monumenta.ch > Plinius > sectio 170

Word Selection for Searching

Report an Error in this Sectio
Plinius, Naturalis Historia, 6, 170
{XXXIV} Iuba, qui videtur diligentissime persecutus haec, omisit in hoc tractu - nisi exemplarum vitium est - Berenicen alteram, quae Panchrysos cognominata est, et tertiam, quae Epi Dires, insignem loco: est enim sita in cervice longe procurrente, ubi fauces Rubri maris VII p. ab Arabia distant. insula ibi Citis, topazum ferens et ipsa.